Með vísan til 2. mgr. 82. gr. laga um vátryggingastarfsemi nr. 56/2010, sbr. 1. mgr. 70. gr. og 1. mgr. 84. gr. sömu laga, tilkynnist hér með um fyrirhugaða yfirfærslu vátryggingastofna:

1. Frá Euler Hermes UK plc. til Euler Hermes Credit Insurance Belgium SA NV. Breska fjármálaeftirlitið (Financial Supervisory Authority) hefur umsjón með stofnfærslunni.

2. Frá Trekroner Forsikring A/S til Codan Forsikring A/S. Um er að ræða samruna félaganna og hefur danska fjármálaeftirlitið (Finanstilsynet) umsjón með honum.

Vátryggingatakar og vátryggðir geta skilað skriflegum athugasemdum til Fjármálaeftirlitsins vegna fyrirhugaðrar yfirfærslu innan eins mánaðar frá birtingu þessarar tilkynningar.

Fjármálaeftirlitið veitir nánari upplýsingar ef óskað er.