Fjármálaeftirlitið efndi til kynningar í dag fyrir fjölmiðla þar sem farið var yfir hálfsársuppgjör viðskiptabankanna. Kynningarfundur af þessu tagi er ákveðin nýjung í starfsemi Fjármálaeftirlitsins og í samræmi við þá áherslu sem lögð er á það í stefnu stofnunarinnar að efla faglega umræðu og auka gagnsæi.
Fjármálaeftirlitið mun í samræmi við stefnuna gera meira af því í framtíðinni að efna til kynninga fyrir fjölmiðla um uppgjör fjármálafyrirtækja og annarra eftirlitsskyldra aðila, auk þess sem fjallað verður eftir atvikum um annað efni.