Meginmál

Fjármálaeftirlitið og Lagastofnun í samstarf

ATH: Þessi grein er frá 14. janúar 2014 og er því orðin meira en 5 ára gömul.

Lagastofnun Háskóla Íslands og Fjármálaeftirlitið hafa tekið upp samstarf í þeim tilgangi að efla rannsóknir á sviði fjármálaréttar.

Samkvæmt samningnum hefur Lagastofnun ráðið Arnald Hjartarson, lögfræðing og LL.M.,  í fullt starf sérfræðings til að sinna rannsóknum í fjármálarétti, þ.m.t. á starfsumhverfi fjármálafyrirtækja og eftirlitsaðila. Auk þess er gert  ráð fyrir að haldin verði námskeið og fræðafundir fyrir starfsfólk Fjármálaeftirlitsins í tengslum við þau rannsóknaverkefni sem unnið verður að á hverjum tíma og ákveðin eru sameiginlega af samningsaðilum.

Samningurinn kveður á um styrk til Lagastofnunar um tæpar átta milljónir króna á ári í tvö ár eða í heild um 16 milljónir á samningstímanum. Unnur Gunnarsdóttir, forstjóri Fjármálaeftirlitsins, undirritaði samninginn af hálfu Fjármálaeftirlitsins en fyrir hönd háskólans Daði Már Kristófersson, forseti Félagsvísindasviðs og María Thejll, forstöðumaður Lagastofnunar.

Á myndinni eru frá vinstri: Daði Már Kristófersson, forseti Félagsvísindasviðs, Unnur Gunnarsdóttir, forstjóri Fjármálaeftirlitsins, og María Thejll, forstöðumaður Lagastofnunar.
Á myndinni eru frá vinstri: Daði Már Kristófersson, forseti Félagsvísindasviðs, Unnur Gunnarsdóttir, forstjóri Fjármálaeftirlitsins, og María Thejll, forstöðumaður Lagastofnunar.

Á myndinni eru frá vinstri: Daði Már Kristófersson, forseti Félagsvísindasviðs, Unnur Gunnarsdóttir, forstjóri Fjármálaeftirlitsins, og María Thejll, forstöðumaður Lagastofnunar.