Meginmál

Málstofa í dag um húsnæðismarkaðinn 2007

ATH: Þessi grein er frá 14. október 2014 og er því orðin meira en 5 ára gömul.

Hvað?

Málstofa um húsnæðismarkaðinn 2007.

Hvenær?

í dag, þriðjudaginn 14. október klukkan 15:00.

Hvar? 

Sölvhóli, fundarsal Seðlabanka Íslands. Gengið er inn frá Arnarhóli.

Hver?

Lúðvík Elíasson, hagfræðingur á fjármálastöðugleikasviði Seðlabankans

Nánar: 

Lúðvík mun fjalla um niðurstöður úr rannsókn þar sem líkan af húsnæðismarkaðnum sem hann og Þórarin G. Pétursson aðalhagfræðingur Seðlabankans mátu á árinu 2004 er endurmetið með gögnum sem ná yfir þensluna á markaðnum 2004 til 2007 og hrunið sem fylgdi í kjölfarið. Því er velt upp hvort fasteignamarkaðurinn á Íslandi hafi á þessum árum sýnt einkenni eignaverðsbólu. Sýnt er að tiltölulega litlar endurbætur á líkaninu duga til þess að skýra að mestu þá þróun sem varð á markaðnum fram að falli bankanna.