Fjármálaeftirlitið hefur gefið út fjögur umræðuskjöl, nr. 3 - 6/2017. Umræðuskjölin innihalda drög að reglum til að innleiða tæknilega framkvæmdarstaðla sem fylgja Solvency II löggjöf ESB. Reglurnar verða settar með stoð í lögum nr. 100/2016 um vátryggingastarfsemi.
Jafnframt útgáfunni sendi Fjármálaeftirlitið frá sér dreifibréf til viðeigandi umsagnaraðila. Fjármálaeftirlitið óskar eftir því að athugasemdir við umræðuskjölin berist eftirlitinu eigi síðar en 30. mars nk.