Fjármálaeftirlitið hefur birt auglýsingar um brottfall ýmissa reglna um starfsemi vátryggingafélaga og starfsemi fjármálafyrirtækja. Auglýsingarnar voru birtar í stjórnartíðindum þann 15. maí sl., en þar eru tilgreindar allar þær reglur sem falla brott í kjölfar breytinga á lögum um fjármálafyrirtæki og gildistöku reglugerðar um varfærniskröfur vegna starfsemi fjármálafyrirtækja, auk nýrra heildarlaga um vátryggingastarfsemi. Umræddar breytingar á banka- og vátryggingamarkaði tengjast innleiðingu á evrópskri löggjöf, CRD IV og Solvency II.