Fjármálaeftirlitið hefur gefið út Reglur um eðlilega og heilbrigða viðskiptahætti fjármálafyrirtækja sem fjalla um hvað telst til eðlilegra og heilbrigðra viðskiptahátta fjármálafyrirtækja skv. 19. gr. laga nr. 161/2002 um fjármálafyrirtæki og Reglur um eðlilega og heilbrigða viðskiptahætti vátryggingafélaga sem fjalla um hvað telst til eðlilegra og heilbrigðra viðskiptahátta vátryggingafélaga skv. 9. og 10. gr. laga nr. 100/2016 um vátryggingastarfsemi.

Markmið reglnanna er að stuðla að því að fyrirtæki á viðkomandi mörkuðum starfi í samræmi við eðlilega og heilbrigða viðskiptahætti. Reglunum er enn fremur ætlað að efla traust og trúverðugleika á fjármála- og vátryggingamarkaði.