Ásgeir Jónsson seðlabankastjóri hélt erindi á SFF-deginum sem haldinn var í Hörpu í dag, fimmtudaginn 28 nóvember. Samtök Fjármálafyrirtækja stóðu fyrir deginum sem er árviss viðburður. Á fundinum var starfsumhverfi og samkeppnishæfni fjármálafyrirtækja til umræðu. Erindi Ásgeirs sneri að þróun bankakerfisins og horfum á fjármálamarkaði í dag. Þá fjallaði hann um hvernig beita mætti stjórntækjum Seðlabankans og hvaða áhrif þau kunna að hafa fjármálakerfið. Ásamt Ásgeiri fluttu Benedikt Gíslason, stjórnarformaður SFF, og Áslaug Arna Sigurbjörnsdóttir dómsmálaráðherra erindi.

Glærur sem Ásgeir studdist við má finna hér: Erindi Ásgeirs Jónssonar á SFF deginum. PDF