Skýrsla fjármálaeftirlitsnefndar fyrir árið 2022 verður kynnt og til umræðu í efnahags- og viðskiptanefnd Alþingis á morgun, þriðjudaginn 9. maí 2023 klukkan 9:15. Ásgeir Jónsson seðlabankastjóri, Unnur Gunnarsdóttir, fyrrverandi varaseðlabankastjóri fjármálaeftirlits og Björk Sigurgísladóttir, núverandi varaseðlabankastjóri fjármálaeftirlits, verða gestir fundarins.
Bein útsending verður frá fundinum á vef Alþingis og á sjónvarpsrás þingsins.
Nánari upplýsingar eru aðgengilegar á vef Alþingis og vef Seðlabankans.
Skýrsla fjármálaeftirlitsnefndar fyrir árið 2022 verður birt að fundi loknum.