Leiðréttar tölur um viðskiptajöfnuð á fyrsta ársfjórðungi 2024

Heimildir:
Tölur um viðskiptajöfnuð við útlönd sem birtar voru 4. júní sl. hafa verið leiðréttar. Leiðréttingin varðar einn af undirliðum viðskiptajafnaðar, það er frumþáttatekjur á fyrsta ársfjórðungi 2024. Leiðréttingin hefur áhrif á halla á viðskiptajöfnuði við útlönd. Samkvæmt nýjum tölum er halli á viðskiptajöfnuði um 4,9 ma.kr. minni en áður var birt. Leiðrétt nemur halli á viðskiptajöfnuði við útlönd því um 35,9 ma.kr. en var áður 40,8 ma.kr.

Sjá nánari sundurliðun á greiðslujöfnuði í Gagnabankanum.

Fyrirspurnir skal senda á netfangið adstod@sedlabanki.is