Í tilefni af fréttaskýringu í Morgunblaðinu 7. mars síðastliðinn vill Fjármálaeftirlitið koma eftirfarandi á framfæri. Í umfjöllun blaðsins er ruglað saman lögbundnum reglum um stórar áhættuskuldbindingar fjárhagslega tengdra aðila og leiðbeinandi tilmælum um upplýsingagjöf um fyrirgreiðslu til venslaðra aðila. Þá kannast Fjármálaeftirlitið ekki við að fulltrúar þess hafi farið á fund i höfuðstöðvum Baugs eða að leiðbeinandi tilmælum Fjármálaeftirlitsins hafi verið breytt eftir slíkan fund.