Í lok ársfjórðungsins var hrein staða við útlönd jákvæð um 2.089 ma.kr. eða 43,9% af vergri landsframleiðslu (VLF) og versnaði um 91 ma.kr. eða 1,9% af VLF á fjórðungnum. Erlendar eignir þjóðarbúsins námu 6.762 ma.kr. í lok ársfjórðungsins en skuldir 4.673 ma.kr. Á fjórðungnum versnaði staðan um 95 ma.kr. vegna fjármagnsviðskipta. Erlendar eignir hækkuðu um 97 ma.kr. og skuldir hækkuðu um 191 ma.kr. Gengis- og verðbreytingar lækkuðu virði eigna á ársfjórðungnum um 105 ma.kr. og skulda um 116 ma.kr. og leiddu því til 11 ma.kr. betri hreinnar erlendrar stöðu. Gengi krónunnar hækkaði um tæp 2,8% í fjórðungnum miðað við gengisskráningarvog. Verð á erlendum verðbréfamörkuðum lækkaði um 11,0% milli fjórðunga og verð á bréfum á innlendum hlutabréfamarkaði lækkuðu um 1,6%.