Hinn 29. október 2024 komst fjármálaeftirlit Seðlabanka Íslands að þeirri niðurstöðu að Vátryggingafélag Íslands hf. væri hæft til að fara með svo stóran eignarhlut í Íslenskum verðbréfum hf. að félagið verði talið dótturfélag þess samkvæmt lögum nr. 115/2020 um markaði fyrir fjármálagerninga.
Jafnframt komst fjármálaeftirlitið að þeirri niðurstöðu að Vátryggingafélag Íslands hf. væri hæft til að fara með jafnstóran óbeinan, virkan eignarhlut í dótturfélagi Íslenskra verðbréfa, ÍV sjóðum hf., samkvæmt A-hluta VI. kafla laga nr. 161/2002 um fjármálafyrirtæki, sbr. 3. mgr. 16. gr. laga nr. 45/2020 um rekstraraðila sérhæfðra sjóða og 3. mgr. 13. gr. laga nr. 116/2021 um verðbréfasjóði.