Með lögum nr. 163/2000 tóku gildi breytingar á lögum nr. 13/1996 um verðbréfaviðskipti. Breytingarnar fela í sér ítarlegri ákvæði um meðferð trúnaðarupplýsinga og í 37. gr. laganna er kveðið á um að skráð fyrirtæki skuli setja sér reglur um meðferð trúnaðarupplýsinga og viðskipti innherja. Útgefendur skráðra verðbréfa hafa sett sér reglur um meðferð trúnaðarupplýsinga en vegna fyrrnefndra lagabreytinga er nauðsynlegt að endurskoða fyrri reglur. Jafnframt þurfa reglurnar að hljóta staðfestingu Fjármálaeftirlitsins. Í þessum leiðbeinandi tilmælum birtir Fjármálaeftirlitið leiðbeiningar sem fela í sér lágmarkskröfur um efni reglnanna.

Þessi tilmæli féllu úr gildi við gildistöku reglna nr. 670/2005 um meðferð innherjaupplýsinga og viðskipti innherja.