Þórarinn G. Pétursson, hagfræðingur í Seðlabanka Íslands, kynnir nýtt ársfjórðungslegt þjóðhagslíkan Seðlabanka Íslands í Sölvhóli, Seðlabanka Íslands, þriðjudaginn 14. nóvember, kl. 15.00.
Nánari lýsing á málstofunni:
QMM: Nýtt ársfjórðungslegt þjóðhagslíkan Seðlabanka Íslands
Seðlabankinn hefur um nokkurra ára skeið unnið að þróun nýs ársfjórðungslegs þjóðhagslíkans og gagnagrunns sem því fylgir. Líkanið er notað við spágerð og greiningu á áhrifum og miðlun peningastefnunnar. Það gegnir því mikilvægu hlutverki við mótun peningastefnu Seðlabanka Íslands. Á þessari málstofu verður líkanið kynnt og farið yfir helstu eiginleika þess. Hægt er að nálgast drög að handbók líkansins hjá Þórarni G. Péturssyni (thorarinn.petursson@sedlabanki.is) fyrir málstofuna.