Japanska matsfyrirtækið R&I Rating birti í dag fyrsta lánshæfismat sitt á íslenska ríkinu og gaf því einkunnina AA+ sem gildir fyrir skuldbindingar í erlendri mynt. Horfur eru sagðar stöðugar. Matið fór fram í tengslum við formlegt og umbeðið mat fyrirtækisins á lánshæfi á Kaupþings banka hf. R&I Ratings ákvað að meta einnig lánshæfi ríkisins þótt ekki hefði verið um það beðið af hálfu stjórnvalda.
Nánari upplýsingar veitir Sturla Pálsson framkvæmdastjóri alþjóða- og markaðssviðs Seðlabankans í síma 569-9600.
11/2007
6. júní 2007