Matsfyrirtækið Moody's lækkaði í dag lánshæfiseinkunn Ríkissjóðs Íslands um eitt þrep í Aa1 úr Aaa og hefur einnig lækkað landsmat (e. country ceiling) á bankainnstæður í erlendri mynt í Aa1 úr Aaa.
Allar aðrar lánshæfiseinkunnir, þar meðtaldar landsmatið fyrir skuldbindingar í erlendri mynt, landsmatið fyrir bankainnstæður í íslenskum krónum og landsmat fyrir verðbréf í íslenskum krónum, voru staðfestar Aaa.
Allar lánshæfiseinkunnirnar eru nú á stöðugum horfum en voru áður á neikvæðum.