Vegna fjölda fyrirspurna um hlut gömlu bankanna í erlendri stöðu þjóðarbúsins hefur skýringarlið verið bætt við töflu og tímaröð á Hagtöluvef bankans.
Um er að ræða áætlaðar eignir eða skuldir gömlu viðskiptabankanna þriggja sem nú eru í greiðslustöðvun. Þar sem ekki hefur verið lokið við að skilja á milli nýju og gömlu bankanna og ekki liggur fyrir niðurstaða um ábyrgð á innstæðum erlendra aðila ber að taka þessum tölum með fyrirvara um breytingar.