Ný rann­sók­n­ar­rit­gerð um hag­kvæm kaup á gjald­miðla­vörn­um

Út er komin rannsóknarritgerð nr. 65, „Should Icelandic pension funds hedge currency risk in their foreign investments?“, eftir Ásgeir Daníelsson. Í ritgerðinni er farið yfir rök með og á móti kaupum langtímafjárfesta á skammtíma gjaldmiðlavörnum og leidd út hagkvæm kaup á þeim við mismunandi aðstæður.

Sýnt er að hagkvæmni kaupa langtímafjárfesta á gjaldmiðlavörnum til skamms tíma ræðst af hegðun gengisins. Ef gengið fylgir ráfferli (e. random walk) geta hagkvæm kaup langtímafjárfestis á skammtíma gjaldmiðlavörnum verið svipuð og hagkvæm kaup skammtímafjárfestis, en ef gengið fylgir sístæðu ferli (e. stationary process) getur fjárfestir sjaldnast minnkað gengisóvissu til langs tíma með kaupum á skammtíma gjaldmiðlavörnum. Sýnt er að ef fjárfestir miðar við raunvirði eignasafns virka áhrif gengisbreytinga á verðbólgu sem vörn gegn gengisáhættu og minnkar þörf á kaupum á gjaldmiðlavörnum. Sýnt er að við tilteknar aðstæður geta gjaldmiðlavarnir verið freistandi fjárfestingarkostur. Þessar sömu aðstæður leiddu til vaxtamunarviðskiptanna á árunum 2005-2008.

Rannsóknarritgerðir Seðlabanka Íslands má nálgast hér: Rannsóknarritgerðir