Fjármálaeftirlitið sendi í dag fjármálafyrirtækjum dreifibréf þar sem bent var á að frumvarp til laga um skortsölu og tiltekna þætti skuldatrygginga hefur verið lagt fram á Alþingi. Eins og segir í dreifibréfinu er með framlagningu frumvarpsins stefnt að því að reglugerð Evrópusambandsins um skortsölu og tiltekna þætti skuldatrygginga nr. 236/2012 verði innleidd í íslensk lög og samkvæmt frumvarpinu munu lögin taka gildi 1. júlí næstkomandi.

Í dreifibréfinu er að finna upplýsingar um hvar helstu upplýsingar um skortsölureglugerðina sé að finna á heimasíðu Fjármálaeftirlitsins. Þá er í bréfinu einnig vakin sérstök athygli á ákveðnum atriðum reglugerðarinnar.