Eignir innlánsstofnana námu 5.959,6 ma.kr. í lok apríl og hækkuðu um 5,3 ma.kr. í mánuðinum. Innlendar eignir innlánsstofnana námu 5.319,8 ma.kr. og hækkuðu um 17,7 ma.kr. Erlendar eignir námu 639,8 ma.kr. og lækkuðu um 12,4 ma.kr. Innlendar skuldir voru 4.113,1 ma.kr. og lækkuðu um 20,1 ma.kr. í apríl. Erlendar skuldir námu 1.047,2 ma.kr. og hækkuðu um 21,1 ma.kr. Eigið fé innlánsstofnana nam 799,3 ma.kr. í lok apríl og hækkaði um 4,2 ma.kr. í mánuðinum.

Ný útlán að frádregnum uppgreiðslum námu 58,3 ma.kr. í lok apríl, þar af voru verðtryggð lán -1,2 ma.kr., óverðtryggð lán 34,8 ma.kr., lán í erlendum gjaldmiðlum 21,9 ma.kr. og eignarleiga 2,8 ma.kr.

Ný útlán til heimila að frádregnum uppgreiðslum námu 3,4 ma.kr. í apríl, þar af námu lán með veði í íbúð 437 m.kr. sem var 858 m.kr. lækkun frá mars.

Sjá nánari sundurliðun á efnahagsreikningi bankakerfis í Gagnabankanum.

Fyrirspurnir skal senda á netfangið adstod@sedlabanki.is