Vísitala raungengis íslensku krónunnar var 95,3 stig í janúar sl., lækkaði um 0,9% miðað við mánuðinn þar á undan. Vísitala raungengis á mælikvarða hlutfallslegs verðlags var 4,3% hærri í janúar sl. samanborið við sama mánuð árið 2024.

Á fjórða ársfjórðungi ársins 2024 var vísitala raungengis á mælikvarða hlutfallslegs verðlags 95,4 stig (2005=100) sem er 2,1% hækkun miðað við þriðja ársfjórðung 2024.

Vísitala raungengis á mælikvarða hlutfallslegs launakostnaðar var 96,1 stig (2005=100) á þriðja ársfjórðungi 2024, lækkaði um 0,5% miðað við annan ársfjórðung 2024, (vísitala raungengis á mælikvarða hlutfallslegs launakostnaðar á fjórða ársfjórðungi 2024 verður birt í byrjun mars n.k. þegar gögn þar að lútandi verða tiltæk).
(Athygli er vakin á því að vegna uppfærslu á gögnum um launakostnað á framleidda einingu aftur í tímann í helstu viðskiptalöndum Íslands, var raungengið miðað við hlutfallslegan launakostnað endurskoðað frá og með fyrsta ársfjórðungi 1991 og fram til ársins 2024 og eru því þessi endurskoðuðu gögn með í þessari hagtölubirtingu hér.)

Sjá nánari sundurliðun á raungengi  í Gagnabankanum.

Fyrirspurnir skal senda á netfangið adstod@sedlabanki.is