Tryggingafélög í ágúst 2025 17. október 2025
Heildareignir vátryggingafélaga námu 337,0 ma.kr. í lok ágúst. Af heildareignum námu eignir skaðatryggingafélaga 317,5 ma.kr. og eignir líftryggingafélaga 19,5 ma.kr.
Innlendar eignir vátryggingafélaga námu 277,8 ma.kr. og erlendar eignir námu 59,2 ma.kr.
Innlendar skuldir félaganna námu 155,3 ma.kr. en þar af námu vátrygginga- og lífeyrisskuldir 136,4 ma.kr. Erlendar skuldir vátryggingafélaga námu 110 m.kr.
Í lok ágúst nam eigið fé tryggingafélaga 181,6 ma.kr. og hækkaði um 497 m.kr. á milli mánaða.
Vegna innleiðingar á IFRS 17 reikningsskilastaðli í uppgjöri tryggingafélaga er brot í tímaröðum um iðgjaldakröfur og iðgjaldaskuld í janúar 2023.
Sjá nánari sundurliðun á efnahagsreikningi tryggingafélaga í Gagnabankanum.
Fyrirspurnir skal senda á netfangið adstod@sedlabanki.is