Yfirlýsing fjármálastöðugleikanefndar Seðlabanka Íslands verður birt kl. 8:30 á morgun, miðvikudaginn 4. júní 2025. Ritið Greiðslumiðlun verður birt á vef bankans klukkan 8:35. Ritið er nú gefið út í fyrsta skipti en áður var umfjöllun um efnið í haustriti Fjármálastöðugleika. Í ritinu er greiðslumiðlun á Íslandi lýst, farið yfir áherslur Seðlabankans er snúa að greiðslumiðlun og framtíðarsýn hans. Ritið verður einnig gefið út síðar á ensku undir heitinu Payments.
Vefútsending frá kynningu vegna yfirlýsingar nefndarinnar og útgáfu Greiðslumiðlunar hefst kl. 9:30. Ásgeir Jónsson, seðlabankastjóri og formaður fjármálastöðugleikanefndar og Tómas Brynjólfsson, varaseðlabankastjóri fjármálastöðugleika, gera grein fyrir yfirlýsingu fjármálastöðugleikanefndar og áherslum bankans í greiðslumiðlun.
Nánari upplýsingar um fjármálastöðugleikanefnd má finna á sérstakri síðu, sjá hér: Fjármálastöðugleikanefnd
Hér má finna tengla á útgefin rit: Rit og skýrslur