Fyrst settur í umferð árið 2013. Stærð seðilsins er 70 x 162 mm. Aðallitur er blár.
Á framhlið er mynd af Jónasi Hallgrímssyni, Háafjalli og Hraundranga. Á bakhlið er blýantsteikning Jónasar af fjallinu Skjaldbreið. Einnig eru þar myndir af lóum og hörpuskel. Borðar og mynstur eru unnin út frá mynstursbekk á kápu tímaritsins Fjölnis.
Blindramerki er fjögur lárétt upphleypt strik á framhlið.
Skoða seðil
Yfirlit yfir öryggisþætti
Öryggisþættir hafa verið til staðar í seðlum í mörg hundruð ár. Einn fyrsti öryggisþátturinn í seðlum var handskrifuð undirskrift, en margir þættir hafa bæst við, svo sem sérunninn pappír, vatnsmerki, öryggisþráður og upphleypt prentun. Síðustu ár hafa seðlabankar sett í umferð nýja seðla með fleiri og fullkomnari öryggisþáttum. Einnig hafa nokkrir seðlabankar uppfært eldri seðla sína í sama tilgangi. Hér fyrir neðan má sjá yfirlit yfir öryggisþætti tíu þúsund króna seðilsins.
Örletur í tölum
Talan 10000 stendur lárétt með skyggðu letri í bláum lit efst til vinstri á framhlið og einnig á bakhlið. Á dökkum flötum í tölustöfunum er örletur sem unnt er að greina með stækkunargleri. Letrið myndar í sífellu skammstöfunina SÍ.
Smáletur
Fyrir miðju á framhlið er smáletur. Smáletrið er í samfelldum lóðréttum línum í Háafjalli og Hraundranga. Línurnar eru myndaðar með nýyrðum sem Jónas Hallgrímsson smíðaði.
Blindramerki
Á framhlið seðilsins er sérstakt merki, fjögur lárétt strik, sem eru upphleypt til glöggvunar fyrir blinda og sjónskerta.
Bjart vatnsmerki
Við hliðina á andlitsmynd Jóns Sigurðssonar er bjart vatnsmerki – talan 10000.
Lýsandi reitur
Þegar útfjólubláu ljósi er varpað á framhlið seðilsins birtist ofarlega fyrir miðju lýsandi grænn reitur með tölunni 10000.
Örletur
Í línu undir mynd af Jónasi er örletur sem unnt er að greina með stækkunargleri. Letrið myndar í sífellu orðið SEÐLABANKI ÍSLANDS.
Upphleypt prentun
Á báðum hliðum seðilsins er upphleypt prentun sem nema má með fingurgómi. Upphleypta prentun á framhlið má finna á andlitsmynd, á ljóði, blindramerki og á tölunni 10000 efst vinstra megin. Upphleypta prentun á bakhlið má finna á mynd af lóum, í ljóði, á tölunum 10000 neðst vinstra megin og efst hægra megin og á mynd af hörpudisk.
Pappírsgerð
Pappír er úr hrábómull og hefur viðkomu ólíka venjulegum pappír.
Vatnsmerki
Í vatnsmerki er andlitsmynd Jóns Sigurðssonar forseta. Merkið sést vel ef seðli er haldið móti birtu. Myndin sést á báðum hliðum seðilsins.
Optiks öryggisþráður og gluggi
Í seðlinum er 18 millimetra breiður öryggisþráður með glugga. Á þræðinum má sjá síendurtekna blómamynd og textann 10000 KRÓNUR sem er sjáanleg þegar seðlinum er haldið móti ljósi.
Optiks öryggisþráður og sjálflýsandi borðar
Í seðlinum er breiður öryggisþráður. Í þræðinum eru tveir sjálflýsandi borðar sem verða sjáanlegir undir útfjólubláu ljósi.
Optiks öryggisþráður á bakhlið
Í seðlinum er breiður öryggisþráður með glugga. Á þræðinum má sjá síendurtekna blómamynd og textann 10000 KRÓNUR sem er sjáanleg þegar seðlinum er haldið móti ljósi.
Vatnsmerki í hornum
Horn seðilsins er styrkt með vatnsmerki sem gerir hann endingarbetri og öruggari.
Númer með rauðu letri á framhlið
Númer seðilsins er prentað í rauðum lit á framhlið. Undir útfjólubláu ljósi verður letrið gult.