Í töflunni hér fyrir neðan má sjá upplýsingar um skiptingu seðla og myntar í umferð utan Seðlabanka Íslands. Samtalan er hluti af skuldahlið efnahagsreiknings Seðlabankans.
Þegar talað er um peninga í umferð er í flestum tilfellum átt við reiðufé utan Seðlabanka og innlánsstofnana. Munurinn á þeirri tölu og samtölu töflunnar er svokallaður nætursjóður innlánsstofnana. Nætursjóðurinn samanstendur af seðlum og mynt á eignahlið efnahagsreiknings innlánsstofnana í lok viðskiptadags. Hluti þessa reiðufjár er í útibúum banka og sparisjóða og afgangurinn er í hraðbönkum þeirra.
Seðlar í umferð
| Seðlastærð | Í umferð utan SÍ í lok desember 2024 | % |
|---|---|---|
10.000 kr. | 41.245.885.000 | 62,25 |
5.000 kr. | 15.650.180.000 | 23,62 |
2.000 kr. | 206.015.000 | 0,31 |
1.000 kr. | 7.254.877.500 | 10,95 |
500 kr. | 1.904.039.000 | 2,87 |
Samtals | 66.260.996.500 | 100,00 |
Mynt í umferð
| Myntstærð | Í umferð utan SÍ í lok desember 2024 | % |
|---|---|---|
100 kr. | 3.052.300.000 | 64,58 |
50 kr. | 786.790.000 | 16,65 |
10 kr. | 631.400.000 | 13,36 |
5 kr. | 133.624.000 | 2,83 |
1 kr. | 121.998.000 | 2,58 |
Samtals | 4.726.112.000 | 100,00 |
Samtals | 70.987.108.500 |
Hér að neðan er mynd sem sýnir þróun seðla og myntar í umferð utan Seðlabanka og innlánsstofnana í hlutfalli við verga landsframleiðslu. Það lækkaði upp úr 1960 með aukinni ávísananotkun og síðan kortaotkun. Í nokkuð langan tíma var þetta hlutfall um 1%. Í kjölfar áfallsins sem íslenskir viðskiptabankar urðu fyrir í októbermánuði 2008 hækkaði hlutfallið nokkuð og hefur síðan verið á bilinu 2-2,5%.