Lög og regl­ur

Alþingi setur lög um starfsemi eftirlitsskyldra aðila, s.s. banka, lífeyrissjóða, vátryggingafélaga og rekstrarfélaga verðbréfasjóða, og um fjármálamarkaðinn. Hér má finna lög sem gilda um framangreind efni, en einnig lög sem varða starfsemi Seðlabanka Íslands.

Ráðuneyti sem fara með stjórnarmálefni sem tengjast fjármálaþjónustu setja reglugerðir sem útfæra nánar ákvæði laga. Hér er að finna þær reglugerðir sem gilda um starfsemi eftirlitsskyldra aðila og fjármálamarkaðinn.

Seðlabanki Íslands setur reglur sem útfæra nánar ákvæði laga. Hér er að finna þær reglur sem gilda um starfsemi eftirlitsskyldra aðila og fjármálamarkaðinn.

Leiðbeinandi tilmæli veita nánari skýringar á ákvæðum laga og reglna, og eru til leiðbeiningar um hvað telst til heilbrigðra og eðlilegra viðskiptahátta. Hér má finna þau leiðbeinandi tilmæli sem Seðlabankinn hefur gefið út.

Seðlabankinn gefur út spurt og svarað og túlkanir til að auka gagnsæi um framkvæmd eftirlits og jafnframt veita eftirlitsskyldum aðilum og öðrum sem efnið varðar meira öryggi við beitingu laga og reglna. Hér er hægt að nálgast spurt og svarað og túlkanir sem Seðlabankinn hefur birt.

Seðlabankinn tekur upp viðmiðunarreglur sem Evrópska bankaeftirlitsstofnunin (EBA), Evrópska vátrygginga- og lífeyrissjóðaeftirlitsstofnunin (EIOPA og Evrópska verðbréfamarkaðseftirlitsstofnunin (ESMA) gefa út. Hér má finna EES viðmiðunarreglur sem Seðlabankinn hefur tekið upp.