Seðlabanki Íslands rekur þjónustuborð fyrir alla sem kunna að hafa spurningar um eftirlit á fjármálamarkaði vegna fjártækni (e. FinTech).
Seðlabankinn býður aðilum sem veita, eða hyggjast veita, þjónustu á sviði fjártækni, að fylla út gátlista um starfsemina og senda til sérfræðinga Seðlabankans á fintech@sedlabanki.is. Þannig má meðal annars greina hvort leyfi þurfi til starfseminnar. Sé þörf á, stendur einnig til boða að eiga frekari samskipti og fá nánari upplýsingar hjá Seðlabankanum.
- Svaraðu gátlistanum og sendu Seðlabankanum á fintech@sedlabanki.is
- Seðlabankinn sendir viðbrögð innan 10 virkra daga.
- Í kjölfarið er hægt að fá ráðgjöf símleiðis, alls í 30 mínútur að hámarki, eða óskað eftir fundi með sérfræðingum.
Þá er einnig hægt að senda almenna fyrirspurn um eftirlit með fjártækni á fintech@sedlabanki.is. Almennum fyrirspurnum er einnig svarað innan 10 daga.