Fjármálafyrirtæki starfa samkvæmt lögum nr. 161/2002 um fjármálafyrirtæki. Hlutverk Seðlabanka Íslands er m.a. að hafa framsýnt og áhættumiðað eftirlit með starfsemi fjármálafyrirtækja, einkum helstu áhættuþáttum sem felast í starfseminni og stjórnarháttum og innra eftirliti þeirra.
Þannig stuðlar Seðlabankinn að fjárhagslegu heilbrigði þeirra, eðlilegum og heilbrigðum viðskiptaháttum og viðvarandi aðgengi heimila og fyrirtækja að traustri fjármálaþjónustu.
Lánastofnanir geta sótt um leyfi til Seðlabanka Íslands til útgáfu sértryggðra skuldabréfa, sbr. I. kafla laga um sértryggð skuldabréf.
Seðlabanka Íslands er heimilt að setja reglur um laust fé og stöðuga fjármögnun fjármálafyrirtækja, sbr. 3. mgr. 117. gr. b laga nr. 161/2002, um fjármálafyrirtæki.
Fjármálafyrirtæki þurfa að vera með tilbúnar endurbótaáætlanir um það hvernig bregðast skuli við mögulegum áföllum eða álagi.
Markmið reglna um gjaldeyrisjöfnuð er að takmarka gengisáhættu og koma í veg fyrir að gjaldeyrisjöfnuður lánastofnana fari út fyrir tiltekin mörk.