Greiðslumiðlun

Fyrirtæki í greiðslumiðlun auðvelda greiðslur frá korthöfum til söluaðila með greiðslumiðlunartækni, þ.m.t. kort og posar. Gögn um greiðslumiðlun endurspegla veltu og færslufjölda innlendra korta innanlands, auk veltu og færslufjölda erlendra korta innanlands.

Kortaútgefendur
Gefa út kort til einstaklinga og fyrirtækja til að framkvæma greiðslur fyrir vörur og þjónustu. Auk þess er að hægt að taka út reiðufé með kortafærslum. Athugið að hér er um að ræða innlendar fjármálastofnanir en ekki alþjóðleg kortakerfi á borð við Mastercard eða VISA.

Færsluhirðar
Útvega söluaðilum posa og annars háttar tæknilausnir til að taka á móti og vinna úr greiðslum frá korthöfum.

Debetkort
Rafrænt kort sem millifærir beint á bankareikning eiganda kortsins

Kreditkort
Rafrænt kort þar sem greiðslum er safnað saman hjá færsluhirðum til innheimtu mánaðarlega frá eiganda kortsins.

Virk greiðslukort
Kort sem notuð hafa verið í viðkomandi mánuði.

Útgefin greiðslukort
Öll útgefin, gildandi kort, óháð því hvort þau hafa verið notuð.

Innlendur aðili merkir sérhvern einstakling sem hefur lögheimili á Íslandi og lögaðila sem skráður er til heimilis á Íslandi, án tillits til ríkisfangs. Undanþegnir búsetuskilyrðum eru námsmenn og starfsmenn sendiráða. Þannig teljast íslenskir námsmenn og skyldulið þeirra sem búa erlendis vera innlendir aðilar og erlendir sendiráðsstarfsmenn teljast til erlendra aðila. Erlendur aðili merkir alla aðra aðila en innlenda.