Velta á millibankamarkaði með krónur er birt mánaðarlega eftir fyrirfram ákveðinni birtingaráætlun kl. 09:00 á birtingardegi.
Gögnin miðast við stöðu í lok mánaðar og eru aðgengileg á mánaðarlegri tíðni frá 1998.
Nýjustu tölur eru bráðabirgðatölur.
Fyrirspurnir skal senda á netfangið adstod@sedlabanki.is
Ítarleg gögn fyrir krónumarkað má nálgast á tímaraðaformi í Gagnabankanum
Velta á millibankamarkaði með krónur
Gögnum um krónumarkað er safnað í því skyni að fylgjast með þróun krónumarkaðar. Seðlabankinn nýtir gögnin jafnframt í starfsemi sinni.
Lagagrundvöllur
Gagnasöfnunin fer fram á grundvelli reglna nr. 1196/2019 um viðskipti á millibankamarkaði með íslenskar krónur sem settar eru skv. heimild í 3. mgr. 18. gr. laga um Seðlabanka Íslands nr. 92/2019.
Krónumarkaður
Gögn eru fengin með daglegum tilkynningum um veltu frá aðilum á millibankamarkaði. Aðilar á millibankamarkaði með krónur geta verið fjármálafyrirtæki með starfsleyfi skv. lögum um fjármálafyrirtæki nr. 161/2002 og útibú fjármálafyrirtækja utan Evrópska efnahagssvæðisins sem fengið hafa heimild fjármálaeftirlitsins.
Aðilar á millibankamarkaði með krónur senda Seðlabankanum tilkynningar um samninga jafnóðum og þeir hafa átt sér stað. Gögnin byggjast því á raunverulegum viðskiptum milli aðila. Tilkynningar um veltu frá aðilum á millibankamarkaði með krónur eru skráðar í gagnagrunn og sundurliðaðar eftir tímalengd samninga. Sá aðili sem haft er samband við sendirtilkynningu til Seðlabankans um viðskiptin.
Endurskoðun gagna
Almennt eru gögn ekki endurskoðuð nema fram komi leiðrétting frá markaðsaðilum.
Millibankamarkaður
Millibankamarkaður skiptist annars vegar í millibankamarkað með krónur og hins vegar í millibankamarkað með gjaldeyri.
Millibankamarkaður með krónur (krónumarkaður)
Markaður með skammtímalán milli aðila á markaðnum. Aðilar markaðarins skulu tilgreina vaxtatilboð inn- og útlána á markaðnum eigi sjaldnar en á 10 mínútna fresti. Útlánsvextir markaðarins nefnast REIBOR (Reykjavik Interbank Offered Rates) og innlánsvextirnir REIBID (Reykjavík Interbank Bid Rate). Samningstími lána á millibankamarkaði með krónur getur verið yfir nótt (ON), vika (SW), einn mánuður (1M), þrír mánuðir (3M) og sex mánuðir (6M).
Aðilar á millibankamarkaði með krónur senda Seðlabankanum tilkynningar um samninga jafnóðum og þeir hafa átt sér stað. Gögnin byggjast því á raunverulegum viðskiptum milli aðila.
Millibankamarkaður með gjaldeyri (gjaldeyrismarkaður)
Gengi íslensku krónunnar er ákvarðað á gjaldeyrismarkaði. Rétt til þátttöku á markaðnum hafa svokallaðir viðskiptavakar og Seðlabanki Íslands. Viðskiptavakar geta orðið aðilar sem hafa ótakmarkað starfsleyfi til gjaldeyrisviðskipta. Millibankamarkaður með gjaldeyri er opinn frá kl. 9:15 til 16.00 hvern viðskiptadag.
Viðburðir framundan
| Titill | Tíðni | Nýjast | Tímabil | Næst | Flokkur | Gagnabanki |
|---|---|---|---|---|---|---|
| Gjaldeyrismarkaður | Mánaðarleg | 8. október | September 2025 | 7. nóvember | Markaðir | |
| Krónumarkaður | Mánaðarleg | 8. október | September 2025 | 7. nóvember | Markaðir | |
| Raungengi | Mánaðarleg | 8. október | September 2025 | 7. nóvember | Markaðir | |
| Efnahagur Seðlabanka Íslands | Mánaðarleg | 7. október | September 2025 | 7. nóvember | Efnahagsreikningar fjármálafyrirtækja | |
| Lífeyrissjóðir | Mánaðarleg | 6. október | Ágúst 2025 | 4. nóvember | Efnahagsreikningar fjármálafyrirtækja | |
| Verðbréfafjárfesting | Mánaðarleg | 30. september | Ágúst 2025 | 29. október | Greiðslujöfnuður við útlönd | |
| Staða markaðsverðbréfa | Mánaðarleg | 30. september | Ágúst 2025 | 31. október | Markaðir | |
| Verðbréfa-, fjárfestingar- og fagfjárfestasjóðir | Mánaðarleg | 29. september | Ágúst 2025 | 27. október | Efnahagsreikningar fjármálafyrirtækja | |
| Lánasjóðir ríkisins | Mánaðarleg | 29. september | Ágúst 2025 | 28. október | Efnahagsreikningar fjármálafyrirtækja | |
| Önnur fjármálafyrirtæki | Mánaðarleg | 29. september | Ágúst 2025 | 28. október | Efnahagsreikningar fjármálafyrirtækja | |
| Innlánsstofnanir | Mánaðarleg | 25. september | Ágúst 2025 | 24. október | Efnahagsreikningar fjármálafyrirtækja | |
| Bein fjárfesting | Árleg | 19. september | 2024 | 20. mars | Greiðslujöfnuður við útlönd | |
| Greiðslumiðlun | Mánaðarleg | 17. september | Ágúst 2025 | 17. október | Markaðir | |
| Tryggingafélög | Mánaðarleg | 17. september | Júlí 2025 | 17. október | Efnahagsreikningar fjármálafyrirtækja | |
| Útboð verðbréfa | Mánaðarleg | 17. september | Ágúst 2025 | 17. október | Markaðir | |
| Gjaldeyrisforði | Mánaðarleg | 15. september | Ágúst 2025 | 15. október | Greiðslujöfnuður við útlönd | |
| Fjármálareikningar fjármálafyrirtækja | Ársfjórðungsleg | 8. september | 2. ársfjórðungur 2025 | 8. desember | Efnahagsreikningar fjármálafyrirtækja | |
| Erlendar skuldir | Ársfjórðungsleg | 4. september | 2. ársfj. 2025 | 4. desember | Greiðslujöfnuður við útlönd | |
| Erlend staða þjóðarbúsins | Ársfjórðungsleg | 4. september | 2. ársfj. 2025 | 4. desember | Greiðslujöfnuður við útlönd | |
| Greiðslujöfnuður við útlönd | Ársfjórðungsleg | 4. september | 2. ársfj. 2025 | 4. desember | Greiðslujöfnuður við útlönd |