Meginmál

Gögn yfir verðbréfafjárfestingu eru birt mánaðarlega eftir fyrirfram ákveðinni birtingaráætlun kl. 09:00 á birtingardegi.

Gögnin miðast við stöðu í lok mánaðar og eru aðgengileg á mánaðarlegri tíðni frá janúar 2012.

Nýjustu tölur eru bráðabirgðatölur.

Fyrirspurnir skal senda á adstod@sedlabanki.is

Hér má nálgast tímaraðaskjal fyrir verðbréfafjárfestingu í apríl 2025

Verðbréfafjárfesting

Fjárhæðir eru í milljónum króna (m.kr.)

Gögnum um verðbréfafjárfestingu er safnað til hagskýrslugerðar og vegna ársfjórðungslegs uppgjörs greiðslujafnaðar við útlönd og erlendrar stöðu þjóðarbúsins. Seðlabankinn nýtir gögnin jafnframt í starfsemi sinni.

Lagagrundvöllur

Grundvöllur upplýsingasöfnunar, uppgjörs og birtingar á verðbréfafjárfestingu á sér stoð í IX. kafla laga nr. 92/2019 um Seðlabanka Íslands og í lögum um gjaldeyrismál nr. 70/2021. Þessi lög (og viðkomandi reglugerðir og reglur Seðlabanka Íslands nr. 861/2022 um almenna tilkynningarskyldu samkvæmt lögum um gjaldeyrismál) kveða á um upplýsingaskyldu innlendra aðila og trúnaðarskyldu starfsmanna Seðlabankans um gögnin sem safnað er til hagskýrslugerðar.

Verðbréfafjárfesting

Upplýsingar um verðbréfafjárfestingu er unnin upp úr mánaðarlegum skýrslum frá fjármálafyrirtækjum. Skilaaðilar geta bæði verið milligönguaðilar um verðbréfaviðskiptin og fjárfestar sjálfir.

Endurskoðun gagna

Nýjustu tölur eru ávallt bráðabirgðatölur og geta tekið breytingum berist ný gögn frá skilaaðilum.

Við hvert uppgjör eru fjárhæðir endurskoðaðar ef tilefni er til.

Leiðbeiningar fyrir skilaaðila er að finna í gagnaskilakerfi Seðlabanka Íslands.

Markaðsskuldabréf

Skuldabréf eru framseljanlegir fjármálagerningar sem gilda sem sönnun um skuld og boðin eru til kaups með útboði þar sem öll helstu einkenni bréfa í hverjum flokki eru hin sömu, þar á meðal nafn útgefanda (skuldara), fyrsti vaxtadagur og endurgreiðslu-, vaxta og uppsagnarákvæði eftir því sem við á. Markaðsskuldabréf eru gerð til að ganga kaupum og sölu á markaði ýmist í kauphöll eða beint yfir borð milli aðila (e. Over The Counter).

Tegund skuldabréfa í hagtölum Seðlabankans:

Verðtryggð markaðsskuldabréf
Höfuðstóll breytist í samræmi við ákv. vísitölu og yfirleitt gefin út í íslenskum krónum. Hér undir falla t.d. húsbréf, húsnæðisbréf og íbúðabréf, verðtryggð ríkisbréf (RIKS) og verðtryggð skuldabréf gefin út af atvinnufyrirtækjum, fjármálafyrirtækjum og sveitarfélögum.

Önnur markaðsskuldabréf og víxlar
Höfuðstóll er ekki tengdur neinni vísitölu - er óverðtryggður. Þessi bréf geta verið gefin út í íslenskum krónum eða erlendum gjaldmiðlum. Hér undir falla t.d. óverðtryggð ríkisbréf (RIKB), ríkisvíxlar (RIKV) og skuldabréf gefin út af atvinnufyrirtækjum, fjármálafyrirtækjum, sveitarfélögum og erlendum aðilum.

Hlutabréf og hluteildarskírteini

Hlutabréf
Ávísun á ákveðinn eignarhlut hluthafa í fyrirtæki sem rekið er sem hlutafélag. Hlutafélagið gefur út sérstakt skjal (hlutabréf) til sönnunar því að eigandi þess (hluthafi) eigi ákveðinn hlut í eignum fyrirtækisins og árlegum hagnaði þess. Hlutabréf eru oftast viðskiptabréf, þ.e. þau geta gengið kaupum og sölum eins og tilgreint er í samþykktum félagsins, ýmist í kauphöll eða beint yfir borð milli aðila. Við slit félags koma hlutabréf til greiðslu eftir að allar aðrar skuldir viðkomandi félags hafa verið greiddar.

Þegar fjárfestir á minna en 10% í félagi telst það til verðbréfaeignar. Sé hluturinn meiri telst hann til beinnar fjárfestingar og flokkast sem hlutur í hlutdeildarfyrirtæki eða tengdu fyrirtæki.

Hlutdeildarfyrirtæki
Fyrirtæki, þar sem beinn og óbeinn eignarhlutur nemur 10-50% af eigin fé eða atkvæðisrétti.

Tengt fyrirtæki
Dótturfyrirtæki fyrirtækis, móðurfyrirtæki þess eða systurfyrirtæki (þ.e. fyrirtæki undir sama móðurfyrirtæki). Skilyrði er að eignarhlutur sé > 50%.

Hlutdeildarskírteini
Fjármálagerningar sem staðfesta tilkall allra þeirra sem eiga hlutdeild í sjóði um sameiginlega fjárfestingu eða einstakri deild hans, til verðbréfaeignar sjóðsins. Eigendur hlutdeildarskírteina eiga rétt til tekna og eigna sjóðsins eða viðkomandi deildar, í sama hlutfalli og nemur hlutdeild þeirra í heildarfjölda útgefinna hlutdeildarskírteina.

Eigð fé
Eigið fé er allur eignahlutur eigenda í fyrirtæki. Eigið fé jafngildir mismun eigna og skulda.

Innlendur aðili / Erlendur aðili

Innlendur aðili merkir sérhvern einstakling sem hefur lögheimili á Íslandi og lögaðila sem skráður er til heimilis á Íslandi, án tillits til ríkisfangs. Undanþegnir búsetuskilyrðum eru námsmenn og starfsmenn sendiráða. Þannig teljast íslenskir námsmenn og skyldulið þeirra sem búa erlendis vera innlendir aðilar og erlendir sendiráðsstarfsmenn teljast til erlendra aðila. Erlendur aðili merkir alla aðra aðila en innlenda.

Eftirstöðvatími

Eftirstöðvatími miðast við upphaflegan eftirstöðvatíma. Langtímalán og -kröfur haldast því áfram langtímalán/-kröfur þó svo að rauneftirstöðvatími sé orðinn eitt ár eða styttri. Tímalengdir upprunalegs eftirstöðvatíma eru tvær:
Skammtíma: ≤ 1 ár
Langtíma: > 1 ár.

Viðburðir framundan

Sjá allt
verðbréfafjárfesting
Uppfærslutíðni: Mánaðarleg - Maí 2025
verðbréfafjárfesting
Uppfærslutíðni: Mánaðarleg - Júní 2025
Hagtölur
TitillTíðniNýjastTímabilNæstFlokkurGagnabanki
LífeyrissjóðirMánaðarleg6. júníApríl 20254. júlíEfnahagsreikningar fjármálafyrirtækja
Efnahagur Seðlabanka ÍslandsMánaðarleg6. júníMaí 20257. júlíEfnahagsreikningar fjármálafyrirtækja
GjaldeyrismarkaðurMánaðarleg6. júníMaí 20258. júlíMarkaðir
KrónumarkaðurMánaðarleg6. júníMaí 20258. júlíMarkaðir
RaungengiMánaðarleg6. júníMaí 20258. júlíMarkaðir
Fjármálareikningar fjármálafyrirtækjaÁrsfjórðungsleg6. júní1. ársfjórðungur 20258. septemberEfnahagsreikningar fjármálafyrirtækja
Erlendar skuldirÁrsfjórðungsleg5. júní1. ársfj. 20254. septemberGreiðslujöfnuður við útlönd
Erlend staða þjóðarbúsinsÁrsfjórðungsleg5. júní1. ársfj. 20254. septemberGreiðslujöfnuður við útlönd
Greiðslujöfnuður við útlöndÁrsfjórðungsleg5. júní1. ársfj. 20254. septemberGreiðslujöfnuður við útlönd
Staða markaðsverðbréfaMánaðarleg30. maíApríl 202530. júníMarkaðir
VerðbréfafjárfestingMánaðarleg30. maíApríl 202530. júníGreiðslujöfnuður við útlönd
Önnur fjármálafyrirtækiMánaðarleg27. maíApríl 202527. júníEfnahagsreikningar fjármálafyrirtækja
Verðbréfa-, fjárfestingar- og fagfjárfestasjóðirMánaðarleg27. maíApríl 202527. júníEfnahagsreikningar fjármálafyrirtækja
Lánasjóðir ríkisinsMánaðarleg27. maíApríl 202527. júníEfnahagsreikningar fjármálafyrirtækja
InnlánsstofnanirMánaðarleg23. maíApríl 202525. júníEfnahagsreikningar fjármálafyrirtækja
Útboð verðbréfaMánaðarleg21. maíApríl 202520. júníMarkaðir
TryggingafélögMánaðarleg19. maíMars 202519. júníEfnahagsreikningar fjármálafyrirtækja
GreiðslumiðlunMánaðarleg16. maíApríl 202516. júníMarkaðir
GjaldeyrisforðiMánaðarleg16. maíApríl 202518. júníGreiðslujöfnuður við útlönd
Bein fjárfestingÁrleg20. mars2023 uppfærsla19. septemberGreiðslujöfnuður við útlönd