Seðlabanki Íslands | Vátryggingastarfsemi

Seðlabanki Íslands hefur framsýnt og áhættumiðað eftirlit með starfsemi aðila á vátryggingamarkaði, greinir helstu áhættuþætti í rekstri þeirra ásamt því að fylgjast með þróun á markaði.

Þá fylgist Seðlabankinn með því að aðilar á vátryggingamarkaði starfi í samræmi við lög sem um starfsemi þeirra gilda og að gripið sé til viðeigandi ráðstafana þegar tilefni er til. Bankinn fylgist jafnframt með starfsháttum aðila á vátryggingamarkaði með hliðsjón af eðlilegum og heilbrigðum viðskiptaháttum.

Gagnsæi á vátryggingamarkaði

Seðlabanki Íslands birtir sértækar upplýsingar um vátryggingastarfsemi, í samræmi við lög og tilskipun EB, hvað varðar lög, stjórnsýslufyrirmæli og almennar leiðbeiningar, eftirlitsferlið, tölfræðileg gögn og fleira.

Spurt og svarað um vátryggingamarkað

Seðlabanki Íslands gefur út spurningar og svör til að auka gagnsæi um framkvæmd eftirlits og jafnframt veita eftirlitsskyldum aðilum og öðrum sem efnið varðar meira öryggi við beitingu laga og reglna.

Samruni vátryggingafélaga og yfirfærsla vátryggingastofns

Samruni vátryggingafélaga, sem felur í sér að allar eignir og skuldir eru yfirfærðar til nýs félags eða yfirtökufélags án skiptameðferðar, er háður samþykki fjármálaeftirlitsins.

Endurkaup vátryggingafélaga

Endurkaup vátryggingafélags, sem felur í sér lækkun á gjaldþolsliðum, krefst fyrirframsamþykkis fjármálaeftirlitsins.