Seðlabanki Íslands | Af hverju á Seðlabankinn gull og hvar er það geymt?

Af hverju á bankinn gull?

Gull hefur lengi verið hluti af gjaldeyrisforða Seðlabankans. Gjaldeyrisforðinn er eins konar öryggissjóður landsins í erlendum gjaldmiðli. Gulli má yfirleitt koma í verð ef á þarf að halda og það hefur tilhneigingu til að hækka í verði þegar óróleiki er á heimsvísu. Gull er víða hluti af gjaldeyrisforða.

Hvar er gull Seðlabankans geymt?

Gullforði Seðlabankans hefur í áratugi verið geymdur í Englandsbanka og um tíma var gullið leigt út samkvæmt sérstökum samningum. Seðlabankinn á um 160 gullstangir, sem hver er að rúmmáli um lítri og vegur um 12,5 kílógrömm að jafngildi 401 únsa hver stöng. Únsa (Troy-únsa) vegur 31,1 gramm. Virði gullsins var í árslok 2023 tæplega 18 milljarðar króna. Gullið reiknast sem hluti af gjaldeyrisforða Seðlabankans sem var þá um 790 milljarðar króna.

Flokkar

Gengi og gjaldeyrismarkaður

Fjármálastöðugleiki

Fjármálaeftirlit

Önnur viðfangsefni Seðlabankans